3-4 июли с.2025 табодули таҷрибаи (сафари омӯзишии) дурӯзаи кормандони милитсия ва фаъолҷавонони ноҳияи НУРОБОД ба шаҳри БОХТАР баргузор гардид.

Чорабиниҳои мазкур, ки дар доираи “Лоиҳаи ҳамкории мутақобилаи милитсия ва ҷавонон ҷиҳати таҳкими муттаҳидӣ ва қобилияти устувори иҷтимоӣ дар сатҳи маҳал”, ки аз ҷониби ВКХ Канада ва Барномаи рушди СММ маблағгузорӣ мегардад, амалӣ шуда истодаанд.

Сафари мазку бо мақсади омӯзиши роҳу усулҳо ва таҷрибаи пешрафта дар самти ҳамкории милитсия ва ҷавонон бо иштироки 16 нафар кормандони милитсия (8 наф.) ва ҷавонони фаъол (8 наф.) аз ноҳияи Нуробод доир гардид.

Дар рӯзи якуми сафар ҳамоиш доир гардида, ба иштирокчиён оид ба роҳу усулҳо ва таҷрибаи пешрафтаи ш.Бохтар дар самти ҳамкории милитсия ва ҷавонон дар шакли рӯнамо (презентатсия) маълумот дода шуд.  

Дар рӯзи дуюм, сайёҳати меҳмонон ба мавзеъҳои сайёҳӣ, фарҳангӣ ва таърихии маҳал ташкил карда шуд, ки барои таҳкими ҳувияти миллӣ ва боз ҳам наздик гардонидани милитсия бо ҷавонон мусоидат менамояд.