Шахсе мақоми волонтёриро бо муваффақият ноил мегардад, яъне волонтёр мешавад, ба имконот ва имтиёзҳои зерин соҳиб мегардад: 

1. Доштани шаҳодатнома (сертификат), ки саҳмгузорӣ ва фаъолнокии шахсро дар ҳал намудани мушкилоти муҳими иҷтимоии ҷамъият ва давлат инъикос менамояд;

2. Эътироф шудан ҳамчун шахси соҳиби дониш, малака ва таҷрибаи амалӣ дар самти муайяни фаъолият (самти фаъолияти интихобгашта);

3. Дастрасии имтиёзҳо барои таъмингардӣ ба ҷойи кор ва дохилшавӣ ба муассисаҳои таълимӣ (дар сурати ташаккул ёфтани заминаҳои ҳуқуқӣ);

4. Тавсия додан (гирифтани тавсиянома) барои таъмингардӣ ба ҷойи кор ва дохилшавӣ ба муассисаҳои таълимӣ дар хориҷи кишвар;

5. Таъмин (ҳавасманд) гаштан бо таҷҳизоти моддӣ, дар шакли либос, ҷӯзъдон, сумка, дастгоҳҳои аудио – видеоӣ, иттиллотӣ ва сабтӣ, маводи гигиенӣ ва ғайра;

6. Пайдо кардани имконият ҷиҳати омӯзиши забонҳои хориҷӣ ва малакаҳои кор бо технологияи иттилоотӣ ба таври ройгон (бепул) дар доираи лоиҳаҳои Ассотсиатсия;

7. Пайдо кардани имконияти иштироки ройгон дар давраҳои махсусгардонидашудаи омӯзишӣ (семинарҳо, тренингҳо) ва дигар чорабиниҳо, ки бо ибтикори Ассостсиатсия ташкил мегарданд;

8. Пайдо кардани имконияти иштирок дар чорабиниҳои васеъи умумиҷумҳуриявӣ ва байналмилалӣ;

9. Пайдо кардани имконияти иштирок дар мулоқотҳо бо Президенти кишвар ва шахсони маъруфу шинохта, ба монанди чемпионҳо, ситораҳои эстрада, санъат ва кино ва ғайра;

10. Пайдо кардани имконият барои баланд бардоштани сатҳи маълумотнокӣ, дониш, таҷриба ва малака дар самти фаъолияти интихобкарда;

11. Истифода бурдани имтиёзҳои «Волонтёр» дар фаъолияти ҳамарӯзаи меҳнатӣ ва шахсӣ (дар сурати ташаккул ёфтани заминаҳои ҳуқуқӣ);

12. Соҳиб гаштан ба рутбаи ҳарбӣ мавриди ихтиёран шомил шудан ба сафи қувваҳои муссаллаҳ барои хизмати ҳарбӣ (дар сурати ташаккул ёфтани заминаҳои ҳуқуқӣ);

13. Истифода бурдани шароитҳои техникию барномавии фароҳам овардаи Ассотсиатсия барои бартараф/қонеъ кардани ниёзҳои пайдошуда (ки ба қонунгузории ҷорӣ мухолифат накунанд);

14. Иштирок дар таҳия ва амалисозии лоиҳаҳои ва барномаҳои Ассотсиатсия;

15. Дастгирӣ ёфтан барои иштирок дар чорабиниҳои байналмилалӣ дар хориҷи кишвар (бо дарназардошти имконот);

16. Ҳавасманд гаштан дар шакли сафарҳои туристӣ ба хориҷи кишвар (барои фаъолият ва дастовардҳои назаррас);

17. Барои фаъолият ва дастовардҳои назаррас мутобиқ ба самти фаъолияти интихобкарда сазовор гаштан бо ифтихорнома, ҷоизаҳо ва унвонҳои фахрии давлатӣ;

18. Ҷузъи ташаббусҳои амалигашта будан;

19. Дар доираи ваколатҳои худ аз номи Ассотсиатсия баромад кардан.